Plantun de Prouvènço

Pèr coumpara dos planto d'encò nostre

Limonium girardianum & Oenothera villosa

Limonium girardianum

Plumbaginaceae

Noms en français : Saladelle de Girard, Statice de Girard.

Descripcioun :
Aquesto saladello, pas bèn grando, a de fueio un pau largo e espatulado. Pèr ço que toco li flour, fau bèn regarda se lis espigo an mai de 8 espigueto pèr cm e apignelado sus dos renguiero. I'a pas gaire de ramo esterlo dins aquelo meno. Es uno planto proumiero à trachi dins lis anciàni salino. La planto es aparado categourìo LC, valènt à dire soucit minour.

Usanço :
Poudèn pensa que li fueio soun manjadisso mai avèn pas d'entresigne segur. Escriéure au site se n'en sabès mai.

Port : Pichoto planto lignouso
Taio : Pancaro entresigna
Fueio : basalo
Tipe bioulougico : Camefite
Cicle bioulougico : Planto renadivo

Gènre : Limonium
Famiho : Plumbaginaceae

Ordre : Caryophyllales

Coulour de la flour :
Petalo : 5
Ø (o loungour) flour : Pancaro entresigna
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Sansouiro - Mar
Estànci :
Couroulougi : Pancaro entresigna
Ref. sc. : Limonium girardianum (Guss.) Fourr.

Rougeto(-peludo)

Oenothera villosa

Onagraceae

Autre noum : Erbo-dis-ase.

Nom en français : Onagre velue.

Descripcioun :
Aquest Oenothera èi di mai coumun dins la valado dóu Rose. La planto èi grando, pelouso e picoutado de rouge (péu glandoulous - fotò) sus la cambo. Li sepalo soun pas rouge, bèn verdo emé gaire o pas de péu glandoulous rouge. Li flour soun souvènt pas gaire duberto.

Usanço :
Li rougeto nous vènon d'Americo dóu Nord. Se manjon, li racino (cuecho), li fueio (coume d'espinard), li flour (en ensalado) emai peréu li grano que dounon d'òli richo en oumega-3. Li racino de rougeto soun vertuouso contro lou mau de vèntre.